Siglir tar il cuntegn

Engiadina Domenic Janett – musicist cun corp ed olma

Cun ses toc «Mecal jo per cuotscha» ha tut cumenzà. Ed oz, 43 onns pli tard ha el retschavì il premi cultural Grischun 2016.

L’emprendissadi ha Domenic Janett fatg sco falegnam. Ma en il sang circulava gia adina la musica. Cun la clarinetta sut bratsch è el partì per Turitg a far il conservatori. Cun l'emprim toc «Mecal jo per cuotscha» ha cumenzà sia carriera. Radund 100 tocs da musica ha el scrit fin il di dad oz.

Musica senza cunfin

Marschs, polcas, mazurcas, jazz e blues ed auter pli ha l'engiadinais che viva oz a Stugl cumponì per tutta sorts gruppas da musicas. Ses repertori è vast.

Cun la clarinetta en viadi

Da piz a chantun cun ils «Engadiner Ländlerfründa» e pli tard era cun ils «Fränzlis da Tschlin». Na be sco cumponist, mabain era sco musicant ha Domenic Janett cuntanschì in renum remartgabel.

Per sia ovra ha Domenic Janett retschavì il premi cultural Grischun dal 2016. La surdada ha gì lieu ils 9-06-2016 a Bravuogn. Il premi è dotà cun 30'000 francs.


Sia vita, sia musica

Domenic Janet en ina emissiun da Radio Rumantsch dal 2014: