Siglir tar il cuntegn

Header

Dominique Gisin al timun dal auto da pumpiers.
Legenda: Dominique Gisin è mima dal nov auto da pumpiers da la Val Müstair Dominique Gisin al timun dal auto da pumpiers da la Val Müstair. RTR/D. Spinnler
cuntegn

Engiadina Dominique Gisin madritscha da l'auto da pumpiers en Val Müstair

La champiunessa olimpica da cursa aval ha surpiglià il padrinadi dal nov autocisterna dals Pumpiers Val Müstair.

L'auto da pumpiers che parta.
Legenda: Dominique Gisin è mima dal nov auto da pumpiers da la Val Müstair Dominique Gisin ha era fatg in gir cul nov auto da pumpiers. RTR/D. Spinnler

Onur per ils pumpiers da la Val Müstair: la champiunessa olimpica Dominique Gisin è sa declerada pronta dad esser la madritscha dal nov autocisterna. Gisin è aposta viagiada en Val Müstair per festagiar il padrinadi sonda ils 9 da schaner.

Quai saja ina lezia speciala che fetschia grond plaschair ad ella, ha ditg Gisin a Radiotelevisiun Svizra Rumantscha. Dominique Gisin che è creschida si a Silvaplauna ha ina relaziun speciala cun la Val Müstair.

Dominique Gisin ed Andrea Vital davant l'auto da pumpiers nov.
Legenda: Dominique Gisin è mima dal nov auto da pumpiers da la Val Müstair Dominique Gisin ensemen cun il cumandant dals Pumpiers Val Müstair, Andrea Vital. RTR/D. Spinnler

Sco giuvna saja ella stada en blers camps da trenament a Müstair per ir cun skis sin il glatscher dal Stelvio ha ditg Gisin.

Ella na possia betg acceptar tut las dumondas che arrivian tar ella, ma questa dumonda da la Val Müstair saja stada uschè simpatica e speciala ch'ella n'haja betg pudì dir na. Ussa saja ella fitg cuntenta dad esser per l'emprima giada en sia vita madritscha d'in auto da pumpiers ha ditg Dominique Gisin. Ella ha lura era gist fatg in gir en il nov auto da pumpiers.

Artitgels legids il pli savens

Scrollar a sanestra Scrollar a dretga