Siglir tar il cuntegn

Header

pista vida
Legenda: Pistas bunamain vidas dad ina vart da la muntogna RTR, A. Caprez
cuntegn

Engiadina Duas varts da la muntogna durant il cup mundial da skis

Entant ch’ils ins festegian las victorias dals skiunzs svizzers en l’arena a Salastrains, scappan ils auters da la fulla da glieud da l’autra vart da la muntogna da San Murezzan.

La regiun da skis Corviglia, Marguns, Piz Nair è uschè gronda ch’ils sportists che passentan lur vacanzas en l'Engiadin’Ota na badan betg grond il travasch dal cup mundial da skis quests dis. Malgrà ch'in’entira spunda è serrada per las differentas cursas, han ils sportists anc adina la pussaivladad da traversar la muntogna via tunnels.

In auter mund da l’autra vart da la muntogna

Per quels che na vulan insumma betg vegnir involvids en la gestiun da las cursas, datti la regiun da skis da Marguns, nua ch’ins na bada strusch nagut dal final da las cursas da l’autra vart da la muntogna.

Quai saja er bun uschia, manegia la gronda part dals giasts. Mintgin possia uschia decider sez tge ch’el vul: Emoziuns e festa dad ina vart, quietezza e divertiment sin pista da l’autra vart.

Artitgels legids il pli savens

Scrollar a sanestra Scrollar a dretga