Legenda:
Ils trais giuvens engiadinais durant la premiera da Bianca e Fernando en il hotel Reine Victoria a San Murezzan.
RTR, David Spinnler
L'opera San Murezzan ha preschentà per la segunda giada suenter la stad 2016 il toc «Bianca e Fernando» da Vincenzo Bellini. Da la partida en l'ensemble musical èn era trais giuvens engiadinais: ils trumbettists Gian Duri e Simon Gabriel da S-chanf e Luis Baumann da Schlarigna.
Luis Baumann fa solo l'avertura da l'opera, accumpagnà be d'in tambur. Durant il prim act sunan ils trais Engiadinais lura en ina gruppa da trais cun sustegn da l'orchester. Per ils giuvens indigens èsi stà ina bella experienza musicala ed els han ditg suenter la premiera envers RTR ch'els na sajan betg stads memia nervus. Quai malgrà lur vegliadetgna: Simon Gabriel ha nov onns, Gian Duri Gabriel e Luis Baumann han 14 onns.
audio
Bunura: Trais giuvens indigens a l'Opera San Murezzan
ord Actualitad dals 24.07.2017.
laschar ir. Durada: 2 minutas 58 Secundas.