Duri Campell na candidescha betg pli sco president communal

S-chanf sto ir en tschertga dad in nov president communal quest atun.

La vischnanca da S-chanf communitgescha che Duri Campell na sa metta betg pli a disposiziun sco president communal per las elecziuns da l'atun 2016.

Campell haja tratg la decisiun ord motivs da temp. L'uffizi sco cusseglier naziunal na possia el betg bain cumbinar cun quel dal president communal da S-chanf. Campell aveva ditg suenter sia elecziun en il cussegl naziunal ch'el laschia anc avert, schebain el restia president communal.