Duri Casty – 70 kilos è memia per ina cursa da chavals

Duri Casty da Zuoz ha 71 onns e vala sco legenda da skijöring. El ha dentant era la licenza da jockey ed ha sco tal era absolvì differentas cursas. Al Night Turf fiss el puspè ì en sella per la cursa da legendas.

Philipp Schärrer e Duri Casty. Bild in Lightbox öffnen.

Legenda da maletgs: Philip Schärer e Duri Casty tal trenament dals chavals. RTR, V. Rominger

Perquai che la cursa vala uss dentant sco uffiziala, è el memia grev cun ses 68 kilos, cun sella e dress da cursa passa 70 kilos. Il chaval ch’el avess chavaltgà porta mo 63 kilos. Per insiders dal sport da cursas da chavals èsi cler: quai na va betg. Il chaval da Duri Casty n'avess betg ina schanza encunter ils auters e cunquai era betg sin ils premis.

«Pigliar giu 6 fin 7 kilos fiss memia dir»

Questa giada sto Duri Casty guardar, ma sche la cursa avess da vegnir in punct fix en il program dal Night Turf, vul el esser da la partida l’onn che vegn, sco ch'el ha ditg a Radiotelevisiun Svizra Rumantscha.

Duri Casty en acziun

Da las cursas che Duri Casty è sa participà durant sia carriera, datti era perditgas en l'archiv da RTR. Ils 19 da favrer 2001, pia avant 15 onns, ha il Telesguard emess ina contribuziun ch'accumpogna Duri Casty al White Turf a San Murezzan.

Ed in pèr onns pli tard, ils 11 da favrer 2007, datti da vesair en ils Cuntrasts il film "100 onns White Turf" cun Duri Casty sco persuna principala.