Siglir tar il cuntegn

Header

cuntegn

Engiadina Dus accidents sin via principala Engiadina

Sonda suentermezdi hai dà gist dus accidents tar Ardez e Lavin. Tar omadus accidents èn persunas vegnidas blessadas.

Cun surpassar è in auto ch’era da viadi d'Ardez a Scuol collidà cun in auter che vegniva encunter. Il manischunz che surpassava è sa blessà grev. Las duas persunas en l’auter auto lev. Duas ambulanzas ed in helicopter da REGA han tgirà ils blessads.

Purtret da l'accident.
Legenda: In motociclist ha fatg in accident individual. MAD, Polizia chantunala

Sin la via principala da Giarsun a Lavin ha in motociclist fatg in accident individual. En ina cuvra a sanestra è el collidà cun il mir da vart dretga. El è sa blessà levamain.

RR novitads 15:00

Artitgels legids il pli savens