Engiadina - Dus skiunzs da turas mitschan ord ina lavina
Il mardi curt avant mezdi ha ina lavina tschiffà ils dus skiunzs tudestgs, els avevan en senn dad ir da Bernina Suot sin Las Collinas. Grazia a lur airbags da lavina n’èn ils dus umens betg vegnids sutterrads.
Dals dus skiunzs en la vegliadetgna da 51 e da 48 onns, hajan ins sgulà in en l’ospital a Samedan per tractar ambulant sgrifladas, scriva la polizia chantunala.
En tut han gidà dus manaders da chauns da lavinas, trais commembers dal CAS secziun Bernina, dus patrugliaders da la staziun SOS Diavolezza, in helicopter da la Heli Bernina ed in helicopter da la Rega.
