Siglir tar il cuntegn

Engiadina Dus töffists memia svelts en l’Engiadin’Ota

La dumengia ha la Polizia chantunala grischuna fatg diversas controllas da spertadad en l’Engiadin’Ota. Tar quellas ha ella tegnì si dus töffists ch’eran memia svelts.

In töff sper in auto da polizia.
Legenda: Per ils dus töffists n'èsi betg pli ì enavant sin lur vehichels. MAD, Polizia chantunala

In Talian da 27 onns è charrà curt avant mezdi sin la via principala datiers da Segl cun 144 kilometers l'ura. Ed il suentermezdi ha la polizia tegnì airi in töffist sin la via dal Bernina – il Portugais charrava cun ina spertadad da 160 kilometers l'ura. L’um da 52 onns a stuì dar giu ses bigliet - quel da l'um talian è vegnì annullà.

Sin omadus trajects vala ina spertadad maximala da 80 kilometers per ura.

RR novitads 11:00