A partir dals 29 d'avrigl èsi vegnì chattà fastizs d'in urs en l'Engiadin'Ota al cunfin cun il Parc naziunal e lura en il Puschlav. La notg dal prim da matg ha l'urs mangià dad in cadaver d'in tschierv. Lezza notg è l'urs era ì en la trapla fotografica, conferma la surveglianza da chatscha. Dapi lura n'en betg ulteriurs indezis vegnids dal Puschlav.
Er ils 29 d'avrigl è vegnì fotografà in urs en il sid dal Piz Tambo d'in skiunz da turas. Tenor indicaziuns dal skiunz saja l'urs lura s'allontanà direcziun Val Curciusa en il sid da Nufenen.
La surveglianza da chatscha ha entant er chattà fastizs da l'urs en Val Curciusa. Dentant èn era en Valragn betg pli vegnids inditgads ulteriurs indezis ils ultims dus dis.
Che urs sajan er en Valragn na saja betg ina raritad, sco quai che Hannes Jenny da l'Uffizi da chatscha di. En il Mesauc hajan ins er gia chattà urs che derivan si da Chiavenna.
Plinavant è uss er sclarì la derivanza da l'urs ch'è collidà cun il tren mez avrigl datiers da Zernez. Quai urs è senza dubi l'urs M32.
RR novitads 17:00
