Siglir tar il cuntegn

Engiadina «Eau vögl imprender a discuorrer puter»

Las proximas duas emnas organisescha la Fundaziun de Planta per la 44avla giada curs da rumantsch puter. La purschida è drizzada er als indigens.

Legenda: Guardar il video «Curs da rumantsch a Samedan». Durada 1:44 minutas.
Or da sil punct dals 12.07.2016.

Bun 60 scolaras e scolars, per gronda part da la Svizra, èn quest onn da la partida als curs da rumantsch a Samedan. Sper l’instrucziun en tschintg differentas classas, tut tenor las abilitadas, porscha l’organisaziun era excursiuns e referats per ils participants dals curs, ma era per tut ils auters ch’èn interessads.

«Spüerta putera» per indigens

Trais giadas datti er la pussaivladad da meglierar la grammatica dal puter per persunas che discurran rumantsch, che han dentant difficultads cun scriver endretg l’idiom.

Scolar(a)s diligent(a)as

Ursina Dietrich-Planta da Segl è dapi quest onn organisatura dals curs da rumantsch da la Fundaziun de Planta. Ella sa legra fitg ch’il dumber da participants è restà pli u main tar quel dals ultims onns. Ina buna part dals scolars saja er gia plirs onns da la partida e fetschia er gronds progress durant las duas emnas d’instrucziun.