Il december dal 2012 ha preschentà in constructur da maschinas da far pistas in’innovaziun a San Murezzan. Quai era l'emprima maschina da far pistas cun in motor diesel-electric. La bilantscha, otg onns pli tard – mediocra.
L’empermischun dal constructur da la maschina, 20% damain oxid azotic, 20% diesel, 20% damain custs e quai cun la medema prestaziun ed in meglier mument da rotaziun.
Cumenzà hai la stagiun 2013/14 cun 6 maschinas diesel-electricas en differentas regiuns da skis en Grischun. La stagiun 2018/19 eran anc adina be 6 da questas maschinas en acziun. En Grischun èn ozendi radund 270 maschinas da far pista en acziun che funcziunan cun diesel. Quai èn radund 10 maschinas dapli che avant otg onns.
Senza schirella betg adattada per il Grischun
Ils maschinists èn fitg cuntents cun la maschina e la tracziun diesel-electrica. Il problem segund els è il fatg ch'en Grischun dovr’ins maschinas cun schirella e questa maschina n'ha betg schirella.
Segund retschertgas da RTR han bleras regiuns da skis interess da midar las maschinas da diesel sin maschinas diesel-electricas cur che quellas èn munidas cun ina schirella.
RTR Telesguard 17:40