Siglir tar il cuntegn

Header

audio
Plazza aviatica e ses niz per il WEF
Or da Actualitad dals 20.02.2020.
laschar ir. Durada: 02:26 minutas.
cuntegn

Economia Nizzegiar eroport Samedan per il WEF

217 aviuns cun giasts dal Forum mundial d'economia a Tavau èn platgads quest onn sin la plazza aviatica dad Altenrhein a Son Gagl. Quels aviuns pudessan en l'avegnir platgar gist usche bain sin la plazza aviatica regiunala a Samedan. Da quai è persvadì Gian Peter Niggli, deputà en il Cussegl grond. D'ina vart arrivan aviuns grazia al nov sistem da navigaziun da platgar er tar trid’aura e nauscha vista a Samedan. Da l’autra vart pudess l'Engiadina profitar da pernottaziuns tras ina collavuraziun.

Lunsch davent dal contingent

La media dals sgols sin la plazza aviatica a Samedan dals ultims quatter onns è tar 14’000 sgols. Il contingent è dentant tar 23’000 sgols l’onn. Uschia ch’er là na vesa Gian Peter Niggli betg in problem per ina collavuraziun.

Bunas schanzas

Da las 120 deputadas e deputads dal Cussegl grond han suttascrit 61 persunas l’incumbensa. Cun quest dumber è Gian Peter Niggli da buna speranza da survegnir ina resposta positiva da la regenza. Decider sche l’incumbensa sto vegnir realisada u betg, duai il Cussegl grond la stad che vegn.

RTR actualitad 11:00

Artitgels legids il pli savens

Scrollar a sanestra Scrollar a dretga