Siglir tar il cuntegn

Engiadina Emprendists da bostgers fan lavurs da construcziun

Savair ir enturn cun betun uschè bain sco cun substanzas natiralas, sco per exempel crappa e laina. Quai è la finamira dal curs da construcziuns forestalas per emprendists da bostgers che ha lieu il mument en la regiun da Scuol.

Legende: Video 17 emprendists bostgers abspielen. Laufzeit 0:50 Minuten.
Or da RTR dals 27.07.2016.

Per 17 giuvens grischuns e dal Principadi da Liechtenstein en l’ultim onn d’emprendissadi, hai num barattar il lieu da lavur da mintgadi e far tranter auter lavurs da mantegniment vid sendas, cuntschets u refar differentas punts en la regiun da Scuol.

Curs da grond'impurtanza

Gist en regiuns muntagnardas è in tal curs da grond’impurtanza. Il mantegniment da l’infrastructura forestala è numnadamain in punct essenzial per insumma pudair pussibilitar ina cultivaziun da guaud adequata. Cun porscher tals curs speran ils organisaturs da sensibilisar ils giuvens bostgers sin quest fatg.