Engiadina - Emprim inscunter da tractors vegls en La Plaiv
Trais possessurs da tractors or dals onns 60/70 han envidà ad ina sentupada a La Punt Chamues-ch. Passa 50 vehichels èn rivads in Engiadin’Ota per sa preschentar sin plaz e per sa participar al cortegi tras La Plaiv.
Per mintgin è il tractor in project d’amatur e vala persunalmain bler dapli che quai ch’in martgadant pajass per il vehichel. Plirs dattan perfin dapli tgira da lur tractor vegl che a l’agen auto.
Suenter l’emprim inscunter plain success, vulan ils trais iniziants: Nuot Padrun, Jachen Vonzun e Giachem Curdin Rainalter organisar mintga dus onns ina reuniun dals oldtimers en ina da la quatter vischnancas da la Plaiv.
