L'emprima radunanza communal da la vischnanca fusionada ha approvà il preventiv per il 2015 senza discussiun. Cun entradas da bunamain 51 milliuns francs prevesa quel in gudogn da 10,3 milliuns francs.
La raschun per quest gudogn è surtut la contribuziun da fusiun da 10 milliuns francs ch'il chantun paja a la vischnanca.
En il preventiv è tranter auter er includì ina contribuziun da 432`000 francs a favur da l'Institut Otalpin a Ftan. Grazia a quests daners è la gestiun a l'Institut garantida per quest onn.
(RR novitads a las 06:00)