Siglir tar il cuntegn

Header

Dus chanuns da naiv che fan naiv.
Legenda: Chanuns da naiv han en avegnir damain aua per far lur lavur. RTR, F. Belotti
cuntegn

Engiadina En avegnir damain resursas d’aua en l'Engiadina

En connex cun ils dis da l’aua Engiadina Scuol è vegnì tematisà il mardi saira la resursa aua en connex cun il midament dal clima. Pli ensi ch'il cunfin da naiv va e damain aua ch'i dat.

La cuverta da naiv en las alps è in impurtant reservuar d’aua per la stad, quai il facit dal referat preschentà da Klaus Lanz dal l’institut da perscrutaziun per causas d’aua. Pertutgà da quai èn per part ils provediments d’aua, l’economia da producziun da forza electrica idraulica ed il turissem.

Producziun da naiv artifiziala sco sfida

Auters puncts impurtants èn il turissem d'enviern e la producziun da naiv artifiziala. Senz'aua en grondas quantitads na datti nagina producziun da naiv artifiziala.

Tenor Lanz ston ins en avegnir economisar pli bain il far naiv. D'ina vart èsi da far naiv artifiziala mo en las regiuns pli autas, e da l'autra vart èsi da limitar cleramain la quantitad da l’aua che vegn duvrada per far naiv.

RTR/rm/alb

Artitgels legì il pli savens

Nach links scrollen Nach rechts scrollen