L'anteriur president dal Tribunal federal, Giusep Nay, è vegnì denunzià pervi d'ina eventuala violaziun d'onur. La procura publica grischuna ha sin quai instradà ina procedura cunter Nay.
Il plant saja vegnì fatg dal president da la dretgira regiunala Engiadina Bassa / Val Müstair. Quai ha Nay confermà sin dumonda da l'agentura da novitads Keystone SDA. I giaja per eveniments en connex cun il whistleblower Adam Quadroni. Il president da la dretgira regiunala haja purtà plant cunter tut las persunas ch'hajan critigà el en la causa Quadroni.
Tgi che s'engascha, s'expona.
L'anteriur president dal Tribunal federal cusseglia e sustegna il whistleblower Adam Quadroni, ch'ha exponì il cartel da construcziun.
Il president da la dretgira regiunala Engiadina Bassa / Val Müstair è avant curt sez stà accusà en connex cun in'acziun da la polizia en l'abitaziun da Quadroni. Tenor la dretgira regiunala Partenz / Tavau è el nunculpant.
Per Giusep Nay vala la presumziun d'innocenza.