Siglir tar il cuntegn

Header

Navigaziun

Legenda: Tadlar il audio La Zuozingra Hannah Felce turna da Cardiff puspè en patria. Durada 02:58 minutas.
Or da Actualitad dals 03.08.2019.
cuntegn

En il cor Rumantscha Hannah Felce – turna da Cardiff puspè en patria a Zuoz

Sia uffanza ha ella passentà a Zuoz, il temp da giuventetgna e da studenta a Cardiff. Uss turna ella en patria.

Il bindel cotschen enturn culiez mussa ch'ella è ina da las collavuraturas da la Lia Rumantscha, en acziun a la festa dals 100 onns a Zuoz. La dunna da 28 onns cun ils chavels cotschens è però ina collavuratura speziala. Cun 13 onns ha ella bandunà Zuoz cun sia famiglia en direcziun Cardiff a Wales.

Uss, durant lavurar vi da ses doctorat che s'occupa cun la traducziun d'istorgias d'uffants da linguas minoritaras, è Hannah Felce turnada en Engiadina, sco collavuratura temporara da la Lia Rumantscha.

Da duvrar il rumantsch puspè sco lingua dal mintgadi, sco lingua da lavur è stà grev al cumenzament.
Autur: Hannah Felcecollavuratura Lia Rumantscha

Cunquai che l'Engiadin'Ota saja bilingua, saja dentant ì meglier che pensà. Il rumantsch n'ha Hannah Felce betg duvrà passa 10 onns, suenter ch'ella è partida cun sia famiglia a Cardiff. Avant dus onns è ella lura vegnida a Samedan als curs da rumantsch ed ha puspè emprendì rumantsch.

Jau stun bain qua, perquai hai jau decidì da restar e da turnar dal tut en patria.
Autur: Hannah Felcecollavuratura Lia Rumantscha

RR actualitad 15:00