Il mais da zercladur stat sut l'ensaina dal tir. A Zuoz ha gì lieu questa fin d'emna la festa uffiziala da la 26avla festa chantunala da tir.
Represchentantas e represchentants da la politica e dal militar e numerusas tiraduras e tiradurs èn sa scuntrads sonda a Zuoz per festivar ed onurar la pli veglia tradiziun da la Svizra, il tir.
En tut sa participeschan durant trais fins d’emna 8’000 tiraduras e tiradurs – sin 15 differents stans da tir da Samignun fin en Val Müstair e da l'Engiadina fin en las valladas dal sid. Quai vul era dir che almain 8’000 armas e var 11 tonnas muniziun d’ordonanza èn en circulaziun.
L'aspect da la segirtad vegn scrit fitg grond. Quest onn datti in novum: la controlla uffiziala d'armas a Zuoz.
Mintga tiradur sto mussar ses cudeschet e survegn be tanta muniziun sco annunzià. Ed avant d'entrar en il stan da tir vegn mintg'arma controllada anc ina giada dal primtiradur.
Ils ferrers d'armas professiunals controllan mintga singula arma per donns e sch’ella correspunda a las normas prescrittas. Sche quai n'avess betg d'esser il cas, na dastga il tiradur u la tiradura betg far part a la concurrenza cun questa arma.
Tar il tir surveglian l'avertider ed il primtiradur mintgamai dus tiradurs u tiraduras per che tuts resguardian las reglas e ch’ins possia porscher la pli gronda segirtad pussaivla.
La lavur da team è il pli impurtant per garantir la segirtad, e quatter egls vesan dapli che dus.
L'aspect da la segirtad vegn scrit grond
-
Bild 1 von 12. Muniziun d'ordonanza. Var 500'000 tuns vegnan distribuids durant l'entira festa. Bildquelle: RTR.
-
Bild 2 von 12. Var 8'000 tregantas e tregants. Bildquelle: RTR.
-
Bild 3 von 12. 15 differents stans da tir per ina festa. Bildquelle: RTR.
-
Bild 4 von 12. La festa uffiziala a Zuoz. Represchentants da politica e militar èn stads da la partida a la festa uffiziala a Zuoz. Bildquelle: RTR.
-
Bild 5 von 12. Onurar e festagiar la tradiziun. Bildquelle: RTR.
-
Bild 6 von 12. Controlla obligatorica. In novum – la controlla obligatorica da las armas sto far mintga treganta e mintga tregant. Bildquelle: RTR.
-
Bild 7 von 12. Festa uffiziala a Zuoz. Zuoz è stà il center da las festivitads. Bildquelle: RTR.
-
Bild 8 von 12. Las armas . Tut las armas vengnan controlladas da ferrers dad armas professiunals. Bildquelle: RTR.
-
Bild 9 von 12. Star en colonna. Mintga treganta e mintga tregant sto laschar controllar si'arma a Zuoz. Bildquelle: RTR.
-
Bild 10 von 12. I va per puncts. Bildquelle: RTR.
-
Bild 11 von 12. Controlla da l'arma sin il stan da tir. Sin il stan da tir controlla mintga vouta anc in primtiradur l'arma dals tregants. Bildquelle: RTR.
-
Bild 12 von 12. Stan da tir a Puntraschigna. Tregantas e tregants cumbattan per puncts a Puntraschigna. Bildquelle: RTR.