Cun las relaziuns invernalas è Sergio Oswald en viadi gia baud vers il Pass dal Bernina. L'emprima inspecziun fa el circa a las trais las damaun per decider, sch'el sto sajettar lavinas en differents lieus. Dapi 11 onns fa el quest job - ina tscherta rutina ha el perquai era sche mintga di è auter.
Il Pass dal Bernina è in cas spezial
Dapi ils ultims 2 mais ha Sergio Oswald sajettà var 90 giadas lavinas sin il Pass dal Bernina. In traject, che dovra ina «tgira» intensiva. La raschun è, che quest pass è enconuschent per vents ferms ed aura variabla.
TR Telesguard, 17:40