Siglir tar il cuntegn

Header

La planira da la plazza aviatica da Samedan da sur engiu - ins vesa la pista da partir/platgar - enturn ed enturn haj naiv.
Legenda: Ils plans da fabritgar ina saiv enturn la plazza aviatica da Samedan èn dispitaivels. RTR
cuntegn

Engadin Airport Petiziun cunter saiv planisada

Il Forum Engadin vul evitar ch'i vegnia construì ina saiv enturn la plazza aviatica a Samedan.

Il Forum Engadin lantscha la petiziun ensemen cun la Fundaziun per la protecziun da la cuntrada, il WWF e la Pro Natura. Suttascriver pon tant indigens sco era giasts. L'avrigl duai ella vegnir surdada a la Regiun Malögia.

Tenor la petiziun na saja ina saiv enturn la plazza aviatica a Samedan betg necessaria.

Ni l'Uffizi federal d'aviatica civila ni l'Administraziun da duana pretendan ina saiv, ed era per evitar accidents cun selvaschina e peduns na dovri betg ina tala.
Autur: Hansjörg HoschPresident Forum Engadin

Dals ultims 60 onns na saja betg enconuschent in accident cun selvaschina u peduns. Vias u viafiers sajan pli privlusas e n'hajan naginas saivs, hai num en la petiziun.

Proteger la cuntrada

En pli interrumpess ina saiv da trais meters autezza e trais kilometers lunghezza la vista sur la planira da la plazza aviatica, argumenteschan ils iniziants da la petiziun.

In mobigliament da la cuntrada sto vegnir impedì.
Autur: Hansjörg HoschPresident Forum Engadin

In ulteriur punct da critica è la finanziaziun da la saiv. Previs fiss numnadamain che la publicitad pajass la saiv, profitar dad ella profitass dentant lura il gestiunari privat da l'Engadin Airport.

Ord l'archiv:

video
Dovra la plazza aviatica ina saiv enturn l'areal u betg
Or da Telesguard dals 13.05.2019.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga