Premiera a l’eroport a Samedan. Per l’emprima giada insumma èn platgads aviuns da charter sin la plazza aviatica la pli auta da l’Europa. Iniziant da questa offerta exclusiva è l’hotel «Badrutt’s Palace» a San Murezzan. Lur idea è stada dad offrir durant duas fins d’emna quatter sgols da charter da Londra a Samedan e return. Quai a chaschun da l’emprim sgol da San Murezzan a Londra ch'è stà avant 100 onns.
Ina purschida cun potenzial
En vista als plans dal nov eroport a Samedan saja questa purschida tenor ils responsabels da l’eroport ina buna occasiun per ramassar experientschas per l’avegnir. Dentant na saja betg planisà da transfurmar l’eroport, en ina plazza aviatica commerziala. Sgols da charter sajan segir ina purschida che vala la paina da persequitar enavant, dentant betg sco ins enconuscha dad auters eroports e mo stagiunal.
RTR Telesguard 17:40