Siglir tar il cuntegn

Header

video
Engadin Nordic: passlung cun plaschair
Or da Telesguard dals 24.11.2023.
laschar ir. Durada: 3 minutas 45 Secundas.
cuntegn

Engadin Nordic Trenar ensemen in sport individual

Dapi passa 30 onns datti il cader nordic regiunal d’Engiadin’Ota, Engadin Nordic. Al cumenzament era quel be pitschen e quintava in pugn plain atletas ed atlets. Oz fan passa 50 passlungistas e passlungists da 14 enfin 25 onns part dal cader regiunal. Il team da trenadras e trenaders è creschì sin 10.

Dinamica da gruppa

Il motiv principal ch’il team crescha uschè fitg, è tenor la scheftrenadra, Ursina Matossi la dinamica da gruppa speziala en il cader. Tuts ensemen sajan sco ina gronda famiglia e gidan in a l’auter nua ch’i pon.

audio
Engadin Nordic: il boom da far passlung
ord Actualitad dals 24.11.2023. Maletg: RTR
laschar ir. Durada: 2 minutas 54 Secundas.

Trenament modern

Essenzial per l’attractivitad dad Engadin Nordic saja er da pudair porscher in trenament cun tecnica moderna. Uschia han ins pudì cumprar avant in onn in bindel da passlung spezial nua che las atletas ed ils atlets pon trenar sin skis cun rodas. Quel bindel custà radund 200 milli francs ed ha pudì vegnir cumprà grazia sponsurs, Chantun e Confederaziun uschè la schef trenadra. Il pli impurtant per in e mintgin è però en l'emprima lingia d'avair plaschair.

RTR Telesguard 17:40

Artitgels legids il pli savens