Siglir tar il cuntegn
cuntegn

Engiadina Engadin St. Moritz Mountains SA sto segirar trais pitgas ...

Engadin St. Moritz Mountains SA sto segirar trais pitgas da lur sutgera Lej Saluver – Fuorcla Grischa en la regiun da skis Corviglia/Piz Nair

sutgera, maletg simbolic
Legenda: Maletg simbolic: L'Uffizi federal da traffic ha chattà mancanzas da segirezza tar trais pitgas da la surtgera. RTR

En ina controlla ha l’Uffizi federal da traffic (BAV) constatà che trais pitgas da la sutgera na correspundan betg pli a las normas da segirezza dad ozendi. Els han perquai pretais da la possessura, Engadin St. Moritz Mountains SA, da realisar las mesiras necessarias per segirar era en avegnir la gestiun da quella sutgera.

La Engadin St. Moritz Mountains SA ha sin quai pretais che las mesiras annualas, vul dir sajettar giu las lavinas periodicamain durant l’enviern, sajan suffizientas avunda per avair quella segirezza.

Ussa ha il Tribunal administrativ federal decis a favur da l'Uffizi federal da traffic e pretais da la Engadin St. Moritz Mountains SA da realisar las mesiras enfin ils 28 da favrer 2019.

RR novitads 17:00