Siglir tar il cuntegn

Header

audio
Serenera S-chanf: Dapi 7 mais en funcziun
Or da Actualitad dals 25.02.2022.
laschar ir. Durada: 2 minutas 55 Secundas.
cuntegn

Engiadin'Ota ARA regiunala a S-chanf funcziuna sco giavischà

video
Serenera S-chanf
Or da Telesguard dals 25.02.2022.
laschar ir. Durada: 3 minutas 39 Secundas.

Suenter quatter onns fabrica e passa 70 milliuns francs, è l’ARA regiunala a S-chanf finalmain en funcziun. La serenera che remplazza las trais anteriuras sereneras da San Murezzan fin S-chanf è ina da las pli grondas, modernas ed economicas da l’entira Svizra. Atgnamain è ella ina normala serenera che nettegia l’aua persa. L'entira installaziun è però automatisada e vegn survegliada a moda digitala.

Il cumenzament ma n’ha jau dumandà sco che quai è pussaivel d’avair ina survista. Uss, suenter set mais sto jau però dir che tut è fitg logic ed è bunamain pli simpel che pli baud.
Autur: Christian Ellemunter substitut dal maina gestiun ARA Engiadin'Ota
Sin il lieu metta Christian Ellemunter en funcziun las maschinas cun in tablet.
Legenda: Sin il lieu metta Christian Ellemunter en funcziun las maschinas cun in tablet. RTR, Selina Planta

Premiera grategiada

Il fabricat gigantic è innovativ. Tut ils batschigls e butschins èn cuverts, uschia che l’odur en las localitads n’è betg dischagreabel. La serenera funcziuna da maniera modulara e po perquai reagir flexibel sin dapli u damain abitantas ed abitants en Engiadin’Ota. La premiera sur Nadal e Bumaun saja grategiada tenor Christian Ellemunter. Durant quel temp haja l’ARA nettegià l’aua persa da 110 milli persunas.

RTR actualitad 17:00

Artitgels legids il pli savens

Scrollar a sanestra Scrollar a dretga