En l'Engiadin'Ota ha la polizia sclerì plirs delicts, scriva la Polizia chantunala en ina communicaziun. A Puntraschigna, Samedan e San Murezzan hai adina puspè dà polluziuns vid objects ed enguladitschs da cuppas da spray dapi l'october 2021. Uss ha la polizia arrestà in um da 42 onns. Il Tudestg ha laschà valair d'avair engulà cuppas da spray e fatg en tut 28 graffitis vid bajetgs e cumposiziuns da tren. Il donn material munta a plirs 10'000 francs.
Engiadin'Ota Arrestà sprayer e lader
RTR novitads 14:00