Siglir tar il cuntegn

Header

bancomat
Legenda: Las duas filialas a Segl e Silvaplauna svaneschan, ils dus bancomats restan. RTR, Michel Decurtins
cuntegn

Engiadin'Ota Banca Chantunala serra agenturas a Silvaplauna e Segl-Maria

A Silvaplauna serra la Banca Chantunala Grischuna (BCG) sia agentura la fin d’avrigl. La fin d'october 2020 serra er quella a Segl-Maria. L'agentura è gia uss averta be a temp parzial.

Sper il fatg che la digitalisaziun influenzescha er la dumonda da la clientella, vegnian en tuts dus lieus pensiunads proximamain cussegliaders da banca. Dus ulteriurs collavuraturs midan lieu da lavur a San Murezzan. Sco che la BCG communitgescha, examineschia ella mintgamai la cuntinuaziun da sias agenturas, cura che la dumonda al lieu sa reduceschia marcantamain.

Bancomats restan

Per cussegliaziuns persunalas sa drizzia gia oz ina gronda part da la clientella da las filialas da Silvaplauna e Segl-Maria directamain a las agenturas vischinas. Per il diever quotidian restian ils dus bancomats a Silvaplauna e Segl-Maria en funcziun.

Per tadlar curt e cumpact:

RTR novitads 17:00

Artitgels legids il pli savens

Scrollar a sanestra Scrollar a dretga