Engiadin'Ota - Dapi 30 onns controllescha Simon Willy bigliets da passlung
Auter che tar il ski alpin èn ils bigliets da passlung betg obligatorics. Tuttina èn las entradas dals bigliets ina contribuziun impurtanta per il mantegniment da las loipas e l’infrastructura.
Simon Willy da Champfèr è dapì 30 onns sin las loipas en l'Engiadin’Ota a controllar e vender bigliets. In job che n’è betg adina simpel. Gist perquai ch’ils bigliets n’èn betg obligatorics, datti adina puspè passlunghistas e passlunghists che na vulan betg pajar.
Jau hai mes recepts per vender ils bigliets, quels na poss jau però betg tradir.
Esser en contact cun la glieud
La lavur sco vendider e controllader da bigliets da passlung na vegn betg lungurusa, di l’um da 72 onns. Tras quel job haja el emprendì ad enconuscher passa milli persunas e quai saja quai che plascha.
1 / 4
Legenda:
Simon Willy venda e controlla dapì 30 onns bigliets da passlung sin las loipas en Engiadin'Ota.
RTR, Selina Planta
2 / 4
Legenda:
Per il giubileum è vegnida decorada la chamona da vendita
RTR, Selina Planta
3 / 4
Legenda:
Il contact cun la glieud plascha a l'um da 72 onns.
RTR, Selina Planta
4 / 4
Legenda:
Simon Willy è enconuschent tar passlunghistas e passlunghists
RTR, Selina Planta
