Engiadin'Ota - Discussiun regiunala davart gulivaziun da finanzas

En Engiadin’Ota duai dar ina discussiun da basa davart la gulivaziun da resursas chantunala. Sco Christian Brantschen, il president communal da Schlarigna ha ditg a la conferenza da presidents da la regiun Malögia paja l’Engiadin’Ota 62% da l'import total. Tenor el è quel import memia aut e las variaziuns stagiunalas da la regiun vegnian resguardadas memia pauc. Ils proxims mais sclerescha ina gruppa da lavur la situaziun pli profund e preschenta ils resultats ad ina da las proximas conferenzas da presidents da la regiun Malögia.