In mais suenter ch'ins ha pudì cumenzar cun las cudeschaziuns ed in'emna avant l'entschatta dal festival en Engiadin'Ota han ils organisaturs decis da dir giu il festival. Sco ch'els scrivan en a communicaziun, saja sa mussà che l'interess per la purschida dal festival saja memia pitschen. Il dumber da cudeschaziuns na giustifitgeschia betg il sforz per organisar il festival.
Er senza il festival restian però 60 purschidas cudeschablas online. Ellas vegnian offertas da differents partenaris dal festival or dal champ d’hotellaria, gastronomia, sport e medicina.
Il festival Vival vess gieu lieu la prima giada quest onn. El vess cumenzà ils 2 da settember e vess durà in mais. Cun il bigliet dal festival vessan giasts gieu access a differentas offertas sco pernotaziuns spezialas in hotels, bigliets per las pendicularas ed activitads sportivas u tschainas exclusivas in restaurants da la regiun. La finamira dal festival e tut sias activitads fiss stà da propagar in stil da viver sanadaivel.
