Siglir tar il cuntegn

Header

cuntegn

Engiadin'Ota Glisch verda per schliaziun transitorica dals posts da polizia

La regenza ha dà glisch verda per ina schliaziun transitorica dals posts da la polizia en l'Engiadin'Ota. Il chantun prenda en locaziun localitads en la surbajegiada «Porta Samedan» fin ch’il center administrativ regiunal a la staziun da Samedan stettia a disposiziun.

Quai na vegnia però betg ad esser il cas avant il 2030, scriva la regenza. Senza realisar ina schliaziun transitorica fiss il chantun stà sfurzà da renovar cun investiziuns considerablas ils indrizs existents. La Polizia chantunala po retrair las localitads en la surbajegiada «Porta Samedan» probablamain l’entschatta da l’auter mars.

Cun questa midada survegnia il persunal dal post da polizia Engiadin'Ota-Bregaglia cundiziuns optimalas per lavurar efficient. La finamira saja dentant anc adina, da realisar il center administrativ regiunal a Samedan uschè spert sco pussaivel.

RTR novitads 09:00

Artitgels legids il pli savens