Legenda:
Concert cun Reinhold Friedrich, trumbettist.
RTR, V. Rominger
cuntegn
Engiadina - 30 onns orchester Sinfonia Engiadina
Reinhold Friedrich è trumbettist dapi ch’el ha 7 onns. Oz vala el sco in dals megliers dal mund ed è gia vegnì engaschà per la terza giada da la Sinfonia Engiadina. Quai sin giavisch dals auters commembers da l’orchester.
Sco mintg’onn suna la Sinfonia Engiadina quatter concerts damanaivel al public. Uschè damanaivel, ch’ins audia a fladar il solist, di la manadra da gestiun ed organisatura Elisabeth Melcher-Arquint.
Ella organisescha ils concerts dapi dus onns, ina sfida saja quai surtut finanzialmain. Senza blers sponsurs e donaturs na fiss quai betg pussaivel.
Ils concerts han lieu glindesdi fin mesemna a Zuoz, Segl e Schlarigna.
