I sa tracta da maschinas spezialas per trair e franar las sugas che paisan mintgina 22 tonnas. Senz'il sistem en la staziun a val a Pranzaira crudass la suga en la bostga e crappa. La differenza d'autezza tranter la staziun a val a quella da muntogna è numnadamain fitg gronda cun 900 meters.
En tut ha la pendiculara da las ovras electricas da Turitg EWZ ina lunghezza da 2,4 kilometers.
Las sugas en detagl
- mintgina paisa 22 tonnas,
- è 2'700 meters lunga
- ed ha in diameter da 4 centimeters
Per montar ina suletta suga dovri 3 uras e tut en tut dovra la firma spezialisada Garaventa ensemen cun ils lavurers da las ovras electricas da Turitg EWZ 3 emnas per montar las 4 sugas.
Gronda lavur è fatga
Suenter che las sugas èn montadas a fin vai en la fasa finala ed uschia en la davos'etappa da lavur avant l'avertura da la nova pendiculara. Las installaziuns tecnicas stoppian lura anc vegnir fatgas, ed er lavurs pitschnas sco far urden èsi da far.
Avertura mez fanadur
La pendiculara che ha custà 15 milliuns francs stat puspè a disposiziun per transports da material e persunas a partir da mez fanadur. La premissa è ch'èr la davos'etappa va sco planisada.
-
Bild 1 von 15. En 2 onns han las ovras electircas da Turitg bajegià la nova pendiculara Albigna per 15 milliuns francs. Bildquelle: RTR, V. Rominger.
-
Bild 2 von 15. Cun las lavurs vid la staziun a val èn ins tenor Andres Fasciati, mainagestiun EWZ Bregaglia, in zic enavos. Bildquelle: RTR, V. Rominger.
-
Bild 3 von 15. Il tetg manca per exempel anc. Bildquelle: RTR, V. Rominger.
-
Bild 4 von 15. Entant èn ins vi da montar las sugas purtantas. 3 da 4 pendan. Bildquelle: RTR, V. Rominger.
-
Bild 5 von 15. Per questa lavur dovri maschinas spezialas. Bildquelle: RTR, V. Rominger.
-
Bild 6 von 15. Quai per evitar che las sugas restian pendidas en la bostga. Bildquelle: RTR, V. Rominger.
-
Bild 7 von 15. I dovra 4 persunas tar la staziun a val per controllar e coordinar il trair da la suga. Bildquelle: RTR, V. Rominger.
-
Bild 8 von 15. Tendidas vegnan ellas pir a la fin. Bildquelle: RTR, V. Rominger.
-
Bild 9 von 15. L'autezza tranter la staziun a val e l'emprima pitga è spectaculara. Bildquelle: RTR, V. Rominger.
-
Bild 10 von 15. La nova pendiculara Albigna ha mo pli 3 pitgas, avant eran quai 5. Bildquelle: RTR, V. Rominger.
-
Bild 11 von 15. La staziun da muntogna sin 2'101 meters sur mar - era ella è nova. Bildquelle: RTR, V. Rominger.
-
Bild 12 von 15. Ella sa chatta gist sut il mir da fermada Albigna. Bildquelle: RTR, V. Rominger.
-
Bild 13 von 15. Durant tut l'onn han adina 5 fin 6 lavurers da l'EWZ passentà tut l'emna si qua per lavurar. Bildquelle: RTR, V. Rominger.
-
Bild 14 von 15. Vista da la staziun da muntogna «Sac Primavera» en Val Bregaglia. Bildquelle: RTR, V. Rominger.
-
Bild 15 von 15. Plaz da lavur al sulegl, ma era durant l'enviern èsi vegnì lavurà. Bildquelle: RTR, V. Rominger.