La Clinica Holistica Engiadina po guardar enavos sin 5 onns da gestiun cun grond success. Quai che ha cumenzà dal 2010 cun 20 collavuraturs e 10 pazients, as ha sviluppà entaifer curt temp ad ina gestiun cun gronda impurtanza economica per Susch e conturns. Tenor Mattias Bulfoni, iniziant e president dal cussegl d’administraziun, èn fin ussa stadas 1600 persunas en tractaments staziunars, quai che correspunda a 60'000 dis da tgira; e 3500 persunas èn stadas en tractaments ambulants. Per l'avegnir è la finamira da la clinica da consolidar quai ch'ins ha ragiunt, surtut era en vista a la qualitad dals tractaments.