Concret na dettia anc betg nums ch’ins pudess menziunar per la successiun da Gregor Reich a la testa da Coppa Romana. Sia finamira saja dentant da chattar insatgi che succeda e surpigliass a partir dal 2020 la responsabladad per il turnier cun 76 squadras.
Turnier fitg popular: spetgar ch’in fa plaz
La glista da squadras che spetgan sin ina plazza per pudair sa participar a la Coppa Romana è lunga, uschè Gregor Reich. Enturn 120 teams spetgian actualmain ch’ina u l’autra squadra fatschia plaz. Dentant saja quai savens pir il cas, cura ch’in team da curling na riva betg pli causa vegliadetgna, u perfin pir cura ch’els èn morts.
Emplenir la fora da schaner
Il turnier da curling entamez il mais da schaner avevan ils fundaturs Fritz Streit, Bruno Troncana, Arturo Reich, Ludwig Rosina e Raffaele Neri fixà aposta durant la fora da schaner. Quai per attrair dapli giasts er durant il temp pli quiet en l'Engiadina. Cun quai che la Coppa Romana cumenza la dumengia saira cun trair la bistgetta, e dura en tut quatter dis, han ins bun’occasiun per emplenir ils letgs en ils hotels e perfin er attratg confamigliars da las squadras en l'Engiadina.
50 onns Coppra Romana a Silvaplana
Cumpagnia stat en il center
La gronda part da las squadras da curling a la Coppa Romana vegnan gia dapi decennis al turnier en l'Engiadina. Sper las ambiziuns sportivas stettia dentant anc pli ferm la cuminanza en il center. Grazia al program betg memia emplenì, dettia adina puspè occasiun da dar ina baterlada u perfin giugar in jass. Quai conferma er il president dal comité d’organisaziun, Gregor Reich.
La Coppa Romana dura anc fin als 17 da schaner 2018.
-
Bild 1 von 8. In di optimal per giugar a curling. Bildquelle: RTR, Anna Caprez.
-
Bild 2 von 8. Gronda concentraziun tar las gruppas da curling. Bildquelle: RTR, Anna Caprez.
-
Bild 3 von 8. Grond travasch sin il glatsch en occasiun da la Coppa Romana. Bildquelle: RTR, Anna Caprez.
-
Bild 4 von 8. Il "skip" da instrucziuns al team. Bildquelle: RTR, Anna Caprez.
-
Bild 5 von 8. Il iniziant è emprim president da la Coppa Romana - Arturo Reich. Bildquelle: RTR, Armon Schlegel.
-
Bild 6 von 8. Il president dal comitè d'organisaziun, Gregor Reich. Bildquelle: RTR, Anna Caprez.
-
Bild 7 von 8. Da tutta sort scuas da giugar a curling. Bildquelle: RTR, Anna Caprez.
-
Bild 8 von 8. Arturo e Gregor Reich, bab e figl 50 onns al timun da la Coppa Romana. Bildquelle: RTR, Armon Schlegel.
Ord l'archiv:
50 onns Coppa Romana
RR actualitad 11:00