Senza las 100 persunas che han lavurà quests dis vi da tendas, podests u en las zonas da VIP, na fiss il final dal circus da skis a San Murezzan betg da realisar.
Mo per ils indrizs da televisiun e per la mesiraziun dal temp dovra quai 24 kilometers cabels. E per la forza electrica han ils organisaturs perfin tratg 48 kilometers cabels.
Dentant poi era capitar ch’ins na chatta betg pli quest urden. E perquai ha Guido Mittner, il schef da l’infrastructura, magari d’improvisar, sco el ha ditg a Radiotelevisiun Svizra Rumantscha.