A Guarda hai dà ier suentermezdi in accident cun ieli. Da quai da 700 liters ieli da diesel èn arrivads sur la chanalisaziun en la serenera, rapporta la polizia chantunala. Per l'ambient n'hai betg dà donns.
In lavurer ha tancà ses vehichel da chargiar sin rodas (tudestg: «Pneulader») vers las 16:00 ed è ì davent senza tschentar giu la pumpa da diesel. Sco la polizia communitgescha stoppia il motor da la pumpa da diesel esser sa stgaudà uschè fitg ch'ina part da l'uder è luà e l'ieli è culà ora.
Ils pumpiers d’ieli han alura pumpà giu l’ieli da diesel.
