Engiadina - Accident da töff a Brail

A Brail en l'Engiadina hai dà la gievgia in accident tranter in motociclist ed in automobilist. L'avantmezdi las 10:30 haja in motociclist empruvà da surpassar in auto sin la via chantunala da Zernez en direcziun da Samedan. L'automobilist haja vieut gista en quest mument ses auto vers sanestra per ir ora sin ina guntgida. Sinaquai saja il motociclist collidà cun l'auto, scriva la Polizia chantunala en ina communicaziun. Il motociclist saja sa blessà mezgrev ed è vegnì transportà cun il servetsch da salvament Zernez en l'ospital da Samedan. La polizia sclerescha uss il decurs da l'accident.