Legenda:
Suenter Giarsun tar il lieu Magnacun èsi vegnì tar l'accident.
MAD, Polizia chantunala
cuntegn
Engiadina - Accident pervia da stauncladad
La sonda en damaun hai dà in accident sin la via engiadinaisa tranter Zernez e Scuol. Suenter Giarsun è il manischunz sa durmentà curt, tenor atgnas indicaziuns.
Tar l'accident è l'auto vegnì da l'autra vart da la via ed è lura collidà frontal cun la signalisaziun dal plazzal e cun il mir. Tar quai è l'auto vegnì donnegià dal tut.
Trais blessads
Ils trais passagiers, la dunna ed ils dus uffants, èn vegnids transportads l'emprim en l'ospital Engiadina Bassa a Scuol. Silsuenter èn ils uffants vegnids transportads en l'ospital chantunal a Cuira per laschar intercurir pli da rudent.
