Causa las temperaturas chaudas s’ha furmada aua tranter la naiv frastga e la vetta da glatsch dal lai. Cun maschinas spezialas han ils emploiads da la Seeinfra SA sduvlà si la vetta sumegliond sco ch’ins fa cun la terra sin in er. Uschia sa collia l’aua meglier cun la naiv per schelar ad ina vetta cumpacta.
Per garantir la cursa per ils chavals han ins perfin fatg pli curt la pista. Quitads fan dentant anc las tendas. Surtut quella gronda da VIP nua che 400 persunas han lieu.
Almain duas fin d’emnas
Las ultimas lavurs per las cursas da White Turf fa la Seeinfra cun las maschinas da far pista Max e Moritz in sonda.
Durant las trais fin d’emnas dal White Turf visitan en media radund 36’000 persunas las cursas sin il lai. L’emprima dumengia da l’occurrenza era dentant crudada quest onn en l’aua causa temperaturas memia autas.
-
Bild 1 von 7. Las tendas dal White Turf sin il lai da San Murezzan . Bildquelle: RTR, A. Caprez.
-
Bild 2 von 7. Mintga di s'encuntran ils commembers da la Seeinfra SA per discutar la situaziun actuala. Bildquelle: RTR, A. Caprez.
-
Bild 3 von 7. Sut las tendas, tranter il glatsch ed il palantschieu, s'ha furmada ina vetta da radund 20 cm aua. Bildquelle: RTR, A. Caprez .
-
Bild 4 von 7. La Seeinfra SA ha fatg da las tuttas per garantir las cursas da chavals . Bildquelle: RTR, A. Caprez .
-
Bild 5 von 7. La naiv frestga che è crudada giu dals tets da las tendas è in ulteriur pais sin la vetta da glatsch. Bildquelle: RTR, A. Caprez .
-
Bild 6 von 7. Dorigo Pedrolini è schligerì dapli che las temperaturas èn finalmain pli bassas. Bildquelle: RTR, A. Caprez .
-
Bild 7 von 7. Cun maschinas han ins sduvlà si la vetta da naiv ed aua per che quella possia sa colliar meglier cun il glatsch. Bildquelle: RTR, A. Caprez.