Il 35avel open air Chapella preschenta bands rumantschas sco ils Galiots, Me&Marie u Giganto-Mattiu, dentant era bands da renum svizras sco ils Birthday Girls. Els èn ina band dad umens che n'èn betg da naziunalitad svizra ma che vivan tar nus ed els eran il «Best Talent» dal radio SRF3 questa primavaira.
L'open air Chapella è il pli vegl dal Grischun, dentant na vulan ils organisaturs betg daventar pli gronds. Sche 600 fans chattan la via sin il cleragl tranter Cinuos-chel e S-chanf, lura èn ils organisaturs cuntents. Perquai che gist quai duai esser la marca da Chapella: pitschen e survesaivel.