En Engiadina Bassa vegn lavurà vi d'in nov cudesch da chanzuns rumantschas per uffants. Quel cudesch datti en furma d’illustraziuns e differents QR-Codes, sur quels pon vegnir tadladas las chanzuns, registradas da differents chors da l’Engiadina Bassa.
Collavuraziun sur plirs chantuns
L’idea per quest cudesch modern, ha gì l’autura e magistra pensiunada da Sent, Leta Mosca. Per cas haja il cumponist renumà svizzer, Rudolf Lutz, regalà ad ella ina chanzun rumantscha per uffants. Quai haja dà schlantsch da far in nov cudesch, di la dunna dad 84 onns. Betg in cudesch classic da notas, mabain in cudesch nua ch’ins po gist tadlar tut las 25 chanzuns.
Il principal è il chantar. Be las notas na tunan betg.
Ella e Rudolf Lutz hajan uschia tschertgà la collavuraziun cun cumponistas indigenas, Nina Mayer, Sidonia Caviezel e Braida Janett, cun differents chors d’uffants da la regiun e cun la scola da musica da l’Engiadina Bassa. Previs saja, ch’il cudesch cumpara la fin da quest onn.