En l'Engiadina Bassa vegn la cussegliaziun per geniturs restructurada. Sco quai ch'il Center da sandà Engiadina Bassa communitgescha, vegn concentrada la cussegliaziun da geniturs pertutgant prevenziun e promoziun da la sanadad sut la Fundaziun Prevenziun da sanadad Engiadin'Ota – SGO.
Suenter ch'il dumber da naschientschas saja sa reducì en l'Engiadina Bassa ed en Val Müstair, e pervi d'in pensiunament – na possia il Center da sandà Engiadina Bassa betg pli ademplir quest servetsch. Uschia surpiglia la fundaziun SGO ussa era ils servetschs per l'Engiadina Bassa e l'entir Grischun dal Sid.