Dapi l’entschatta da la pandemia ha il cudesch funsil Engiadina Bassa / Val Müstair considerablamain dapli lavur. Tenor il responsabel Cla Nogler haja la pandemia segir ina tscherta influenza sin la dumonda augmentada da segundas abitaziuns. Vitiers vegnia che fits bass e l'attractivitad d'investir en immobiglias hajan er ina gronda impurtanzas sin il cumportament.
Era la firma dad Adrian Barbüda, la Fiduziari Lauber Barbüda da Scuol conferma ina pli ferma dumonda da segundas abitaziuns dapi la pandemia. Singuls clients hajan er numnà il corona sco in dals motivs. Dentant vesa el oravant tut che la generaziun che aveva cumprà ina abitaziun en Engiadina Bassa è vegnida pli veglia e vul ussa puspè vender quella.
Interess vid immobiglias en la regiun da vacanzas
Enavant ha l’Engiadina Bassa gì questa stad radund 18% dapli giasts che han visità la regiun, era quai pudess esser ina raschun che l’interess per segundas abitaziuns è creschida.
Pia corona, ubain l'intschertezza enturn corona, para d'avair giugà ina rolla per il boom da cumpras quest onn. Ina statistica che conferma quai n'exista dentant betg.