Siglir tar il cuntegn

Header

cuntegn

Engiadina Bassa Gruppa da tgira Prasas-chèr vegn serrada temporarmain

Il Center da sanadad da l'Engiadina Bassa (CSEB) serra la gruppa da tgira Prasas-chèr a Scuol temporarmain. A partir dal prim d'october 2021 saja l'indriz per la tgira da lunga durada serrada, scriva il center en ina communicaziun. Ella resta serrada probablamain fin la fin dal 2022.

La serrada saja ina consequenza indirecta da la pandemia da corona. Pervia da quella sajan adina pli paucs letgs occupads. Plinavant sentia il center da sanadad grondas retegnientschas tar las entradas novas. Er la tschertga da persunal spezialisà saja ina gronda sfida.

La gruppa da tgira Prasas-chèr

Avrir la boxSerrar la box

La gruppa da tgira Prasas-chèr a Scuol datti dapi l'onn 2007. Ella porscha plazza per nov persunas cun basegn da tgira. Il mintgadi da las persunas sa drizza tenor ils principis da viver a chasa.

Il pass da serrar na saja betg stà simpel, scriva la direcziun dal CSEB. I saja dentant in pass necessari. Cun serrar la gruppa da tgira Prasas-chèr possia il center planisar meglier lur resursas. Las sis persunas ch'eran en tgira vegnan en autras instituziuns equivalentas.

Er tut las emploiadas e emploiads pertutgads lavurian vinavant per il CSEB. Las localitads vegnan duvradas temporarmain sco abitaziuns per il persunal.

audio
Per tadlar: curt e cumpact
00:51 min, RTR Audio dals 18.07.2021.
laschar ir. Durada: 00:51 minutas.

RTR novitads 12:00

Artitgels legids il pli savens

Scrollar a sanestra Scrollar a dretga