Engiadina Bassa: Lingias d'electricitad èn sut terra

Las Ouvras Electricas d'Engiadina SA (OEE) han terminà l'emprima etappa da metter sut terra las lingias d'electricitad en l'Engiadina Bassa. Quai communitgeschan las ovras electricas.

Vista sin manaschi da ovras electricas. Bild in Lightbox öffnen.

Legenda da maletgs: Centrala da las Ouvras Electricas d'Engiadina (OEE) a Pradella. ANR R. Durchetta

Dapi l'avrigl lavuran var 80 collavuraturs da diversas firmas da construcziun vid il foss da 33km da Pradella fin Zernez. La fin november han las firmas tschentà 32.7km conducts per la protecziun da cabels. Las sfidas da traversar quatter giadas l'En sco era las spundas taissas a Scuol, Ftan e Guarda hajan ins dumagnà cun success, scrivan las ovras electricas en la communicaziun.

Cuntinuaziun la primavaira 2018

Ils davos meters vegnan tschentads la primavaira che vegn. Fin avrigl vegnan era ils cabels tratgs en ils conducts tschentads. Plinavant entschaivan èr las lavurs da construcziun da la segunda etappa da Zernez fin a Bever.

RR novitads 10:00