Per il «Center da sandà Engiadina Bassa» era l'onn 2020 in onn pretensius e pesant, quai pervia dal coronavirus. L'ospital fa tar il quint 2020, ina sperdita da var 650'000 francs. Quest resultat saja mo stà pussaivel cun l'agid da las contribuziuns da corona dal chantun, scriva la direcziun èn la communicaziun a las medias.
Reducziun da pazients e pazientas
Era tar ils pazients e las pazientas haja dà ina reducziun, scriva il «Center da sandà». Per passa 7 pertschient saja il dumber da las pazientas e pazients staziunars sa reducì. Ina reducziun da perfin 17 pertschient datti tar ils pazients tractads ambulantamain.
Success malgrà onn pretensius per l'ospital
L'ospital po però era nudar success, sco ch'i stat scrit en il rapport da gestiun 2020. El ha gudagnà il pretsch naziunal «Innovation Qualité 2020» en la categoria da segirtad da pazients. Plinavant ha il center da sandà Engiadina Bassa finì, sco emprim ospital svizzer, il prozess da l'analisa da management da ristg. Per quella han els retschet in certificat, scriva l'ospital.
