Siglir tar il cuntegn

Header

cuntegn

Engiadina Bassa / Val Müstair 847 persunas s'èn participadas a la retschertga publica

La Regiun Engiadina Bassa/Val Müstair ha envidà la populaziun ad ina retschertga online publica cun la finamira da furmar cuminaivlamain finamiras per il svilup economic e social da la regiun.

10% da la populaziun da la regiun s’han participà a la retschertga, in fatg fitg allegraivel per la sviluppadra regiunala Martina Schlappbach.

Tenor la retschertga è la populaziun cuntenta cun il provediment da la sanadad, cun la mobilitad individuala ed era cun las pussaivladads da recreaziun en la natira.

audio
847 persunas s’han participà a la retschertga publica
ord Actualitad dals 05.04.2023. Maletg: RTR
laschar ir. Durada: 2 minutas 54 Secundas.

Percunter demussa la retschertga dus gronds temas che fan fastidi a la populaziun. Per l'ina datti en avegnir adina damain spazi d’abitar en la regiun, abitaziuns pajablas per indigens. Per l'autra ha era la demografia grondas influenzas sin la regiun. Giuvnas e giuvens bandunan la regiun per far il giarsunadi u per studegiar. La gronda part na turna betg pli en lur patria. Quai ha en avegnir consequenzas per l’economia regiunala.

Agenda 2030

L’Agenda 2030 è la strategia regiunala per il svilup dal lieu. En furma da workshops vegnan ussa questas datas da la retschertga analisadas cun la finamira da realisar quels enfin l’onn 2030, tenor l’agenda 2030.

RTR actualitad 12:00;

Artitgels legids il pli savens