Siglir tar il cuntegn

Header

cuntegn

Engiadina Bassa / Val Müstair A la tschertga da soluziuns per ils talents

L’Institut Otalpin a Ftan na porscha en l'avegnir betg pli ina scola secundara en cumbinaziun cun sport e musica.

La purschida – la scola da talents – exista puspè. Dentant be per gimnasiastas e gimnasiasts e betg pli per scolaras e scolars da la secundara.

L’instrucziun da la scolaziun secundara na datti en l'avegnir betg pli. Quai ha decis la nova manadra da l'Institut, la EiM Group. La Regiun Engiadina Bassa / Val Müstair vul tuttina profitar da la purschida da sport e musica da l'Institut Otalpin, ma sto ussa tschertgar variantas per la part d'instrucziun.

Tenor il mainagestiun da la Regiun Engiadina Bassa / Val Müstair veglian ins evitar che talents bandunan la regiun. La conferenza da presidentas e presidents da la regiun ha perquai incumbensà da sclerir custs, tschertgar collavuraziuns ed evaluar variantas per tuttina pudair offrir a talents da sport u musica ina pussaivladad.

audio
A la tschertga da soluziuns per ils talents
ord Actualitad dals 24.05.2022. Maletg: RTR, Georg Luzzi
laschar ir. Durada: 2 minutas 33 Secundas.

Ina varianta pussaivla

Stgaffir in stgalim aut cun talents da la secundara e reala fiss pussaivel – per exempel a Ftan. Lura pudessan quels ir a scola en vischinanza e profitar da la purschida da sport a l'Institut Otalpin.

Uffants ch’èn gia oz en la secundara e profiteschan da la scola da talents dastgan finir lur scolaziun a l'Institut Otalpin. En il futur sto dentant nà ina soluziun.

RTR actualitad 12:00

Artitgels legids il pli savens